மீனம்பாக்கத்தில் கொளுத்தும் வெயிலும் அதிகம், கொட்டி தீர்க்கும் மழையும் அதிகம்

சென்னையில் நள்ளிரவு முதல் வளிமண்டல சுழற்சி காரணமாகத் தொடர்ந்து கனமழை பெரிது வருகிறது. இந்நிலையில், தமிழ்நாட்டில் நேற்று (ஜூன் 18) முதல் தொடர் மழை பெய்து வருகிறது. ஆனால், கடந்த ஜூன் 17 வரை தமிழ்நாட்டில் வெயிலின் தாக்கம் அதிகமாக இருந்தது. அதிலும், குறிப்பாக 13 இடங்களில் 100 டிகிரிக்கு மேல் வெப்பம் பதிவானது.

இதில் அதிகபட்சமாகச் சென்னை மீனம்பாக்கத்தில் 107 டிகிரி வரை வெப்பம் பதிவானது. இந்நிலையில்,  அதே மீனம்பாக்கத்தில் நேற்று (ஜூன் 18) ஒரேநாளில் அதிகபட்சமாக 14 செமீ மழையும் பதிவாகியுள்ளது என வானிலை மையம் தெரிவித்துள்ளது.