இந்த 2023 ஆம் ஆண்டின் தீபாவளி பண்டிகை வருகின்ற நவ.12ம் தேதி கொண்டாடப்படுகிறது. இதனால் தமிழ்நாடு முழுவதும் அரசு விரைவு போக்குவரத்துக் கழகம் சார்பில் சிறப்புப் பேருந்துகள் இயக்கப்பட உள்ளன. இந்த சிறப்புப் பேருந்துகள் வரும் நவ.05 முதல் நவ.15 வரை இயக்கப்பட உள்ளன.
அதன்படி, இந்த தீபாவளி பண்டிகையை முன்னிட்டு அரசு விரைவு பேருந்துகளில் பயணம் செய்வோருக்கான டிக்கெட் முன்பதிவு இன்று (அக்.11) தொடங்கியுள்ளது. அதை TNSTC இணையதளம் அல்லது செயலி மூலம் முன்பதிவு செய்து கொள்ளலாம்.
அப்படி டிக்கெட் முன்பதிவு செய்யப் பின்வரும் வழிமுறைகளைப் பின்பற்றவும். அதில், tnstc இணையதளம் அல்லது செயலியைத் திறக்கவும். பின்னர் “டிக்கெட் முன்பதிவு” என்பதைக் கிளிக் செய்யவும். அதில் தேதி, நேரம், இலக்கு மற்றும் பயணியைப் பற்றிய தகவல்களை உள்ளிடவும். இதையடுத்து, பயணத்திற்குத் தேவையான கட்டணத்தைச் செலுத்தி டிக்கெட்டை முன்பதிவு செய்யவும். இந்த டிக்கெட் முன்பதிவு செய்ய இணையதளம்: https://www.tnstc.in/ ஆகும்.