சன் நியூஸ் தொலைக்காட்சியின் முதன்மை செய்தி ஆசிரியர் குணசேகரன் அவர்களின் தந்தை, முனியா (97) வயது மூப்பு காரணமாக இன்று(அக்.11) அதிகாலை காலமானார். சென்னை செனாய் நகரில் உள்ள அவரது இல்லத்தில் உடல் இறுதி மரியாதைக்காக வைக்கப்பட்டுள்ளது.
இந்நிலையில் அவரின் உடலுக்கு, முதல்வர் ஸ்டாலின் நேரில் சென்று மலர் மாலை வைத்து அஞ்சலி செலுத்தி, அவரது குடும்பத்தினருக்கு ஆறுதல் கூறினார்.
அப்போது, முதல்வர் ஸ்டாலின் உடன் திராவிடர் கழகத் தலைவர் ஆசிரியர் கி.வீரமணி, சட்டமன்ற உறுப்பினர் எம்.கே.மோகன், செய்தி மக்கள் தொடர்புத் துறை இயக்குநர் மோகன், இ.ஆ.ப., மாநில திட்டக்குழு துணைத் தலைவர் பேராசிரியர் ஜெ. ஜெயரஞ்சன், திராவிடர் கழக துணைத் தலைவர் கவிஞர் கலி. பூங்குன்றன், பெருநகர சென்னை மாநகராட்சி நிலைக் குழுத்தலைவர் நே. சிற்றரசு ஆகியோர் உள்ளனர்.