சில தினங்களுக்கு முன் இயக்குநர் மடோனா அஸ்வின் இயக்கி , நடிகர் சிவகார்த்திகேயன் நடிப்பில் வெளியான மாவீரன் திரைப்படம் ரசிகர்கள் மத்தியில் நல்ல வரவேற்பைப் பெற்று வருகிறது. இப்படத்தில், அதிதி ஷங்கர், மிஷ்கின், சரிதா உள்ளிட்ட பலர் முக்கிய வேடங்களில் நடித்துள்ளனர். அதைப்போல், இப்படத்தில் நடிகர் விஜய் சேதுபதி பின்னணி குரல் கொடுத்துள்ளார்.
இந்நிலையில், இந்த ‘மாவீரன்’ திரைப்படத்தைப் பார்த்தபின் விடுதலை சிறுத்தைகள் கட்சியின் தலைவர் தொல்.திருமாவளவன் அவர்கள் நடத்திய செய்தியாளர்கள் சந்திப்பில், ” இந்த மாவீரன் திரைப்படத்தில் நடிகர் சிவகார்த்திகேயன் சிறப்பாக நடித்துள்ளார். சில காட்சிகளில் எனக்குக் கண்கலங்க நேர்ந்தது. மக்கள் குரலின் பிரதிபலிப்பாக இப்படம் உள்ளது. ஏழை எளிய மக்களின் சூழ்நிலைகளை அரசுக்கு எடுத்துச் சொல்லும் வகையில் கதை அமைந்துள்ளது” எனப் பேட்டியளித்துள்ளார்.
- Advertisement -