ஐபிஎல் இறுதிப்போட்டியில் தோற்ற குஜராத் டைட்டன்ஸ் அணியின் உருக்கமான ட்வீட்

ஐபிஎல் இறுதிப்போட்டியில் குஜராத் அணியை 5 விக்கெட் வித்தியாசத்தில் வீழ்த்தி சென்னை அணி த்ரில் வெற்றி பெற்றத்தின் மூலம் 5வது முறையாக சாம்பியன் பட்டத்தை வென்றது. இதையடுத்து, இப்போட்டியில் தோல்வியுற்ற குஜராத் டைட்டன்ஸ் அணி தனது ட்விட்டர் பக்கத்தில் உருக்கமான ட்வீட் செய்துள்ளது.

அதில், “தல, எங்களுக்குத் தெரியும் நாங்கள் ஒரு ஜீனியசுக்கு எதிராக மட்டும் இறுதிப் போட்டியில் களமிறங்கவில்லை. ஒரு மஞ்சள் கடலுக்கு எதிராகக் களமிறங்கினோம். இந்த முடிவு எங்களுக்கு ஏமாற்றம் அளிக்கக்கூடியதாக இருந்தாலும், ஐபிஎல் கோப்பையை நீங்கள் வைத்திருப்பதைப் பார்க்கும்போது எங்களுக்குள் இருக்கும் குழந்தை மகிழ்கிறது என ட்வீட் செய்துள்ளனர்.