ஜெர்மனியிலிருந்து பாங்காங் சென்ற விமானத்தில் கணவன் – மனைவி இடையே பயங்கர சண்டை நடந்தது. மேலும், மதுபோதையில் மனைவியுடன் சண்டையிட்ட கணவர், சக பயணிகளையும் அவதூறாகப் பேசியதால் விமானத்தில் பரபரப்பு ஏற்பட்டது
அதேசமயம், நிலைமை கட்டுக்குள் வராததால், விமானத்தைப் பாகிஸ்தானில் தரையிறக்க விமானி முயன்றுள்ளார். ஆனால் அங்கே அனுமதியில்லாததால், டெல்லியில் அவசரமாகத் தரையிறக்கி கணவரை போலிசிடம் ஒப்படைத்துவிட்டு, விமானம் பாங்காங் புறப்பட்டது.
விமானம் டெல்லியில் தரையிறங்கியபோது, அக்கணவரை போலீசார் கைது செய்து, அவரை ஒரு சிறையில் அடைத்தனர். அவரது மனைவி பாங்காங் சென்றார்.
இந்த சம்பவம் குறித்து, விமான நிறுவனம் சார்பில் வெளியிட்ட அறிக்கையில், “விமானத்தில் பயணம் செய்த சக பயணிகளின் பாதுகாப்பைக் கருத்தில் கொண்டு, நாங்கள் இந்த முடிவை எடுத்தோம். இந்த சம்பவம் குறித்து, நாங்கள் போலீசாருடன் தொடர்புகொண்டுள்ளோம்” என்று கூறப்பட்டுள்ளது.
இந்த சம்பவம் சர்வதேச அளவில் பேசுபொருளாகி உள்ளது. குடிபோதையில் விமானத்தில் சண்டையிடுவது என்பது மிகவும் ஆபத்தான செயல். இது விமானத்தில் பயணிக்கும் அனைவரின் பாதுகாப்பையும் பாதிக்கும்.