கர்நாடக முதல்வராக சித்தராமையாவும், துணை முதல்வராக டி.கே.சிவக்குமாரும் பதவியேற்றனர்

இந்த நடப்பாண்டு நடைபெற்ற கர்நாடக சட்டப்பேரவை தேர்தலில் 135 இடங்களைக் காங்கிரஸ் கட்சி பெருமான்மையுடன் வெற்றி பெற்றது. இந்நிலையில், காங்கிரஸ் கட்சியைச் சேர்ந்த சித்தராமையா கர்நாடக முதல்வராகவும், டி.கே.சிவக்குமார் துணை முதல்வராகவும் தேர்வு செய்யப்பட்டுள்ளனர். இதற்காக இன்று (மே20) பதவியேற்பு விழா நடைபெற்று வருகிறது.

இவ்விழாவில், ராகுல் காந்தி, பிரியங்கா காந்தி, தமிழக முதல்வர் ஸ்டாலின் மற்றும் பல மாநில முதல்வர்கள், தொண்டர்கள் பங்கேற்று வருகின்றனர். இந்நிலையில், பெங்களூரூவில் உள்ள கன்டிவரா மைதானத்தில் தொண்டர்களின் கோஷத்துடன் கர்நாடக முதலமைச்சராக சித்தராமையா, துணை முதலமைச்சராக டி.கே.சிவகுமார் ஆகியோருக்கு ஆளுநர் தாவர்சந்த் கெலாட் பதவி பிராணமும், ரகசிய காப்புப் பிரமாணமும் செய்து வைத்தார்.