இந்தியாவில் உள்ள கர்நாடக மாநிலத்தில் இந்தாண்டு சட்டமன்ற தேர்தல் நடைபெற இருக்கிறது. இதற்காக பல அரசியல் தலைவர்கள் தங்களது பிரச்சாரத்தை மேற்கொண்டு வருகின்றனர். இதில் பல கூட்டணி கட்சிகளையும் ஆதரித்து பிரச்சாரம் செய்கின்றனர். இதற்காக பிரதமர் மோடி கர்நாடகாவிற்கு இரண்டு 2 நாள் சுற்றுப்பயணம் மேற்கொண்டு தனது பிரச்சாரத்தை பாஜகவிற்கு ஆதரவாக மக்களை சந்தித்து வாக்குகளை சேகரித்தார்.
அந்த வகையில், கர்நாடகாவின் காங்கிரஸ் தலைவர் டி.கே.சிவக்குமார் அவர்கள் தனது தேர்தல் பிரசாரத்துக்காக இன்று ஹெலிகாப்டர் வழியாக கோலார் சென்று கொண்டிருந்தார். அப்போது அங்கு பறந்து சென்ற கழுகு ஒன்று ஹெலிகாப்டர் மீது எதிர்பாராதவிதமாக மோதியது. அதனால் ஹெலிகாப்டர் பலத்து சேதமடைந்ததால் நடுவானிலிருந்து அவசரமாகத் தரையிறக்கப்பட்டது. குறிப்பிட்ட நேரத்தில் வேகமாக தரையிறங்கியதால் கர்நாடகாவின் காங்கிரஸ் தலைவர் டி.கே.சிவக்குமாருக்கு காயம் ஏதும் ஏற்படவில்லை என தகவல் வெளிவந்துள்ளது.