பொறியியல் படிப்புகளுக்கான புதிய பாடத்திட்டத்தை இறுதி செய்வது தொடர்பாக தமிழக முதல்வர் மு.க.ஸ்டாலின் ஆகஸ்ட் 17ஆம் தேதி அண்ணா பல்கலைக்கழகத்தில் ஆலோசனை நடத்துகிறார்.
உயர்கல்வித்துறை அமைச்சர் பொன்முடி, அண்ணா பல்கலைக்கழக துணைவேந்தர் வேல்ராஜ் ஆகியோர் ஆலோசனையில் பங்கேற்கின்றனர்.
முன்னதாக, வேலை வாய்ப்புக்கு ஏற்ப பொறியியல் பாடத்திட்டத்தை மாற்றியமைக்க உயர்கல்வித்துறை திட்டமிட்டிருந்தது. அதன்படி, பொறியியல் பாடத்திட்டத்தை திருத்த நிபுணர் குழு அமைக்கப்பட்டது.
சமீபத்தில், பல்கலையின் பட்டமளிப்பு விழாவில் துணைவேந்தர் வேல்ராஜ் பேசுகையில், ”திருத்தப்பட்ட பொறியியல் பாடத்திட்டம் விரைவில் வெளியிடப்படும்,” என்றார்.
புதிய பாடத்திட்டத்திற்கு இன்று நடைபெறும் கல்வி கவுன்சில் கூட்டத்தில் ஒப்புதல் அளிக்கப்படும். இந்த புதிய பாடத்திட்டமானது, காலாவதியான விஷயங்களை நீக்கி, தொழில் சம்பந்தப்பட்ட தலைப்புகளைச் சேர்ப்பதன் மூலம், தொழில் தேவைகளுக்கும் மாணவர்களின் திறமைக்கும் இடையே உள்ள இடைவெளியைக் குறைக்கும் நோக்கம் கொண்டது என்றும் வேல்ராஜ் கூறினார். இந்த பாடத்திட்டம் நடப்பு கல்வியாண்டிலேயே அமல்படுத்தப்படும்.