ஆப்கானிஸ்தான் இன்று அதிகாலை நிலநடுக்கம் : பீதியில் மக்கள்

- Advertisement -

ஆப்கானிஸ்தானின் தலைநகரான காபுல் நகரில் இன்று அதிகாலை 3.14 மணிக்கு 4.1 ரிக்டர் அளவில் நில அதிர்வு உணரப்பட்டதாகத் தகவல்கள் வெளியாகின. மேலும், இந்த நில அதிர்வு காபுல் நகரின் வடகிழக்கு பகுதியில் மையம் கொண்டிருந்தது என  புவியியல் ஆய்வு மையம் தெரிவித்துள்ளது.

இந்த நில அதிர்வு காரணமாக எந்தவொரு பாதிப்புகளும் ஏற்படவில்லை என்று தகவல்கள் தெரிவிக்கின்றன. இருப்பினும், நில அதிர்வு காரணமாக சில மக்கள் பீதியடைந்து வீதிகளில் ஓடினார்கள்.

அதேசமயம், ஆப்கானிஸ்தான் அடிக்கடி நிலநடுக்கம் ஏற்படும் ஒரு பகுதியாகும். கடந்த ஆண்டு ஜூன் மாதம், ஆப்கானிஸ்தானில் ஏற்பட்ட 5.9 ரிக்டர் அளவிலான நிலநடுக்கத்தில் 1,000க்கும் மேற்பட்ட மக்கள் கொல்லப்பட்டனர் என்பது குறிப்பிடத்தக்கது.