- Advertisement -
இந்திய விண்வெளித்துறையில் பெல்லா ட்ரிக்ஸ் ஏரோ ஸ்பேஸ், அக்னிகுல் போன்ற 47 ஸ்டார்ட் அப் நிறுவனங்கள் கால் பதித்துள்ளன. இந்நிலையில், எர்ன்ஸ்ட் அண்ட் யங் நிறுவனத்தின் அறிக்கைப்படி, பிற நாடுகளை ஒப்பிடுகையில் குறைந்த செலவில் விண்வெளி திட்டங்களைச் செயல்படுத்தும் திறன், இந்திய ஸ்டார்ட்அப் நிறுவனங்களுக்கு உள்ளது. இதனால் இந்திய விண்வெளி துறைக்கு எதிர்காலத்தில் முதலீடு அதிகரிக்க வாய்ப்புள்ளது எனக் கூறுகின்றனர்.
மேலும், கடந்த 2022 நவம்பர் 18ம் தேதியன்று ஸ்கை ரூட் ஏரோ ஸ்பேஸ் என்ற தனியார் நிறுவனம் தயாரித்த, விக்ரம் எஸ் ராக்கெட், ஸ்ரீஹரிகோட்டாவில் இருந்து வெற்றிகரமாக ஏவப்பட்டது. விண்வெளி துறையில் இது போன்ற தனியார் நிறுவனங்களின் பங்களிப்பு தொடர்ந்தால், அமெரிக்காவைப் போல் இந்தியாவிலும் தனியார் வர்த்தக செயற்கைக்கோள்கள் மற்றும் ராக்கெட் ஏவுதல் எண்ணிக்கை அதிகரித்து புதிய வேலை வாய்ப்புகள் உருவாகும்.
- Advertisement -