ஒரு அடி உயரத்தை அதிகரிக்க அறுவை சிகிச்சை

அமெரிக்காவில் வசிக்கும் ப்ரையன் என்ற நபர் 6 அடி உயரத்திலிருந்திருக்கிறார். இந்நிலையில், இவருக்குப் பல நாட்களாக 7 அடி வரை உயரம் ஆக வேண்டும் என்பது கனவாக இருந்துள்ளது. அதை நிஜமாக்க மருத்துவரை அணுகி உள்ளார். பின்னர் இதற்கு அறுவை சிகிச்சை மூலம் தீர்வளிக்கப்படும் என அம்மருத்துவர் கூறியுள்ளார்.

இதையடுத்து, 7 அடி உயரத்திற்கு வளர வேண்டும் என்பதற்காக, சுமார் ரூ. 88 லட்சம் செலவழித்து அறுவை சிகிச்சை செய்துள்ளார். பின்னர் இந்த அறுவை சிகிச்சை குறித்துப் பேசியுள்ளார். அதில், ” இந்த அறுவை சிகிச்சையின்போது தான் உடலளவில் நிறையக் கஷ்டங்களை அனுபவித்திருந்தாலும், 6 அடியிலிருந்து 7 அடிக்கு வளர்வதன் மூலம் தனக்கு மனநிறைவு கிடைக்கும்” என நம்பிக்கை தெரிவித்துள்ளார்.