வாலி மோகன் தாஸ் இயக்கத்தில் புதுமுகங்கள் முக்கிய வேடங்களில் நடித்திருக்கும் படம் ‘ரங்கோலி’. சமகால பள்ளி மாணவர்களின் வாழ்க்கையைச் சுற்றி கதை நகர்கிறது.
படத்தின் ஃபர்ஸ்ட் லுக்கை ஒன்பது கோலிவுட் பிரபலங்கள் – திரைப்பட தயாரிப்பாளர்கள் லோகேஷ் கனகராஜ், வெங்கட் பிரபு, நடிகர்கள் அருண் விஜய், அதர்வா முரளி, சதீஷ், நவீன் சந்திரா மற்றும் கார்த்திக் ரத்னம், இசையமைப்பாளர் ஜிவி பிரகாஷ் குமார் மற்றும் நடிகை வாணி போஜன் ஆகியோர் வெளியிட்டுள்ளனர்.
தமிழ் சினிமாவில் இதுவரை பள்ளி மாணவர்கள் மற்றும் அவர்களது குடும்பங்களைச் சுற்றி வரும் கதைகள் மிகக் குறைவு. ரங்கோலி, இந்த கூறுகளை ஒன்றாக இணைத்து ஒரு அற்புதமான கதையை வழங்கும் என்று படக்குழு கூறுகிறது. பெற்றோரின் அழுத்தத்தால், பள்ளியை விட்டு வெளியேறி, உயர் மதிப்புள்ள தனியார் பள்ளியில் சேரும் சிறுவனைப் பற்றிய படம். புதிய சுற்றுப்புறச் சூழலில் அவர் சந்திக்கும் சம்பவங்கள் இந்தக் கதையின் மையக்கருவாக அமைகின்றன.
பள்ளிக் குழந்தைகள் ஒன்றாகக் காட்சியளிக்கும் படத்தின் ஃபர்ஸ்ட் லுக், ஏக்கம் நிறைந்த நினைவுகளைத் தூண்டி, எதிர்பார்ப்பையும் அதிகரித்துள்ளது.
மாநகரம், தெய்வ திருமகள் ஆகிய படங்களில் குழந்தை நட்சத்திரமாக தோன்றிய ஹமாரேஷ் இப்படத்தின் மூலம் கதாநாயகனாக அறிமுகமாகிறார். பிரார்த்தனா, சாய் ஸ்ரீ, அக்ஷயா ஆகியோர் மற்ற முக்கிய கதாபாத்திரங்களில் நடிக்கின்றனர். ஆடுகளம் முருகதாஸ் இந்த படத்தில் ஒரு முக்கிய கேரக்டரில் நடிக்கிறார்.
இந்தப் படம் சென்னை மற்றும் கடப்பாவின் பல அழகிய இடங்களில் படமாக்கப்பட்டுள்ளது.
கே பாபு ரெட்டி மற்றும் ஜி சதீஷ் குமார் இப்படத்தை தயாரித்துள்ளனர். சுந்தரமூர்த்தி கே.எஸ் இசையமைக்க, ஐ.மருதநாயகம் ஒளிப்பதிவு செய்கிறார், ஜி.சத்தியநாராயணன் படத்தொகுப்பைக் கவனிக்கிறார்.
படத்தின் இறுதிக்கட்ட பணிகள் விறுவிறுப்பாக நடைபெற்று வரும் நிலையில், விரைவில் ஆடியோ மற்றும் டிரைலர் வெளியீட்டு விழா குறித்த அறிவிப்பை வெளியிட படக்குழு திட்டமிட்டுள்ளது.