நம் சாப்பிடும் தர்பூசணியில் 90 சதவிகிதம் நீர்ச்சத்து நிரம்பியிருக்கிறது. கோடைக்காலத்தில் ஏற்படும் உடல் வறட்சியைத் தடுக்கும். தர்பூசணியிலுள்ள பொட்டாசியம், சிறுநீரகத்திலிருக்கும் நச்சுகளை நீக்க உதவும். அதைபோல், இது வெயில் காலத்தில் அனைவரையும் பாடாகப்படுத்தும் பிரச்னைகளில் முக்கியமானது சருமப் பிரச்சனை. அதை இந்த தர்பூசணியிலிருக்கும் வைட்டமின் சி, பீட்டா கரோட்டின் (Beta-Carotene) இரண்டும் ஆன்டிஆக்ஸிடன்ட்களாகச் செயல்படுகின்றன. இவை சருமத்தில் கொலாஜன் (Collagen) உற்பத்தியை அதிகரிக்கும் என நிபுணர்கள் தெரிவித்தனர்.
மேலும், இதிலுள்ள குளூட்டாதியோன் (Glutathione) சருமப் பராமரிப்புக்கும், நன்றாக முடி வளர்வதற்கும் உதவும். இது வயதானால் உடலில் ஏற்படும் சுருக்கங்களைச் சரிசெய்ய உதவும். அதைபோல், தர்பூசணியைச் சாப்பிட்டால் வியர்வை வெளியேறுவது அதிகரிக்கும். இதனால், உடலின் அதிகப்படியான சூடு குறைந்து குளிர்ச்சி ஏற்படும். மேலும், இது சிறுநீரகப் பிரச்னை அல்லது டையூரெட்டிக் ( Diuretic) பிரச்சனையால் அவதிப்படுபவர்கள் இதை தினமும் சாப்பிட்டால் அந்தப் பிரச்னைகளிலிருந்து விடுபடலாம் என ஊட்டச்சத்து நிபுணர்கள் கூறியுள்ளனர்.