நாளை (நவ .7) தனது 69வது பிறந்த நாளை கொண்டாடட்டும் நடிகர் கமல்ஹாசனுக்கு நடிகர் சிவக்குமார் பிறந்தநாள் வாழ்த்து அறிக்கை வெளியிட்டுள்ளார். அந்த அறிக்கையில், ” நடிப்புக் கலையில் அசகாய சூரர்கள் என்று நான் மதித்துப் போற்றுபவர்கள் தமிழ் சினிமாவில் நடிகர் திலகம் சிவாஜியும், உலகநாயகன் கமலும் தான். அவர்கள் செய்த ‘வெரைட்டி ரோல்களை’ இதுவரை வேறுயாராலும் செய்ய முடியவில்லை” என்றார்.
மேலும், அவர் ” நானும் , கமலும் கிட்டத்தட்ட 8 படங்களில் நாம் சேர்ந்து நடித்தோம். வில்லன் வேடங்களில் நடித்து, ஹீரோவாக உயர்ந்த முதல் நடிகர் நீங்கள்தான். நடிப்பில் இனி சாதிக்க உங்களுக்கு எதுவும் மிச்சம் இருப்பதாகத் தெரியவில்லை. அரசியல் களம் உங்களுக்காகக் காத்திருக்கிறது. நீங்கள் திரையில் சாதித்ததை அரசியலிலும், சாதிக்க முடியும். துணிந்து இறங்குங்கள்” எனக் கூறி நடிகர் சிவக்குமார் தனது பிறந்த வாழ்த்தைத் தெரிவித்துள்ளார்.
தற்போது சிவக்குமார் வெளியிட்டுள்ள பிறந்தநாள் வாழ்த்து, கமல்ஹாசனுக்கு ஒரு சிறந்த பரிசு என்று கூறலாம். இந்த வாழ்த்து, கமல்ஹாசனின் அரசியல் பயணத்தில் ஒரு புதிய தொடக்கமாக அமைக்கும் என்று நம்பலாம்.