பிரமாண்ட இயக்குநர் ஷங்கர் இயக்கத்தில் கமல்ஹாசன் நடிக்கும் ‘இந்தியன் 2’ படத்தின் நீளம் அதிகமாக வந்துள்ளதால், அதனை ‘இந்தியன் 2’, ‘இந்தியன் 3’ எனப் பிரித்து 2 பாகங்களாக வெளியிடப் படக்குழு முடிவு செய்துள்ளது.
இந்த முடிவு ஏற்கனவே ரசிகர்களிடையே பெரும் எதிர்பார்ப்பை ஏற்படுத்தியுள்ளது. முதல் பாகம் மற்றும் இரண்டாம் பாகம் 2024 ஆம் ஆண்டு வெளியாகும் என்று கூறப்படுகிறது.
இரு பாகங்களாகப் பிரிக்க இன்னும் சில காட்சிகள் தேவைப்படுவதால், அதன் படப்பிடிப்பு மீண்டும் சென்னையில் இன்று தொடங்கியுள்ளது. இந்தப் படத்தில் கமல்ஹாசனுடன் காஜல் அகர்வால், சித்தார்த், ரகுல் ப்ரீத் சிங், பிரியா பவானி சங்கர், சமுத்திரக்கனி, பாபி சிம்ஹா உள்ளிட்ட பலர் நடித்துள்ளனர். லைகா நிறுவனம் தயாரிக்கும் இந்தப் படத்திற்கு அனிருத் இசையமைத்துள்ளார்.
‘இந்தியன்’ படம் 1996 ஆம் ஆண்டு வெளியாகி, மிகப்பெரிய வெற்றி பெற்றது. இந்தப் படத்தின் இரண்டாம் பாகத்திற்கு ரசிகர்கள் மத்தியில் மிகுந்த எதிர்பார்ப்பு உள்ளது.