தமிழ் சினிமாவில் முன்னணி நடிகராக வலம் வரும் தனுஷ் அவர்கள் ஹாலிவுட் திரையுலகம் வரை பல படங்களில் பிசியாக நடித்து வருகிறார். இந்நிலையில், தற்போது தனுஷ் இயக்குனர் அருண் மித்தேஸ்வரன் இயக்கத்தில் கேப்டன் மில்லர் திரைப்படத்தில் நடித்து வருகிறார். மேலும், இப்படத்தில் பிரியங்கா மோகன் கதாநாயகியாகவும், ஜி.வி. பிரகாஷ் இசையமைப்பாளராகவும் இருக்கிறார்கள்.
இந்நிலையில், இந்த கேப்டன் மில்லர் திரைப்படம் இன்று காலை 10.45 மணியளவில் புது அப்டேட் வெளியாக போவதாக அறிவித்திருந்தது. ஆனால், இப்படக்குழு தாமதத்திற்கு வருத்தம் தெரிவித்து மாலை 4 மணிக்கு வெளியாக உள்ளது என்று தெரிவித்திருந்தது. தற்போது ‘கேப்டன் மில்லர்’ படத்தின் ஃபர்ஸ்ட் லுக் ஜூன் மாதத்திலும், டீசர் ஜூலை மாதத்திலும் வெளியாகும் என படக்குழு அறிவித்துள்ளது.