அஜித் தற்போது தனது 61வது படமான ‘துணிவு’ படப்பிடிப்பில் ஈடுபட்டு வருகிறார். முன்னதாக ‘ஏகே 61’ என்று தற்காலிகமாக அழைக்கப்பட்ட இப்படத்தை எச் வினோத் இயக்கியுள்ளார் மற்றும் போனி கபூர் தயாரித்துள்ளார். ‘நேர் கொண்ட பார்வை’, ‘வலிமை’ படங்களுக்குப் பிறகு நடிகர் அஜித், இயக்குநர் எச் வினோத், தயாரிப்பாளர் போனி கபூர் ஆகியோர் மூன்றாவது முறையாக இணைந்துள்ள படம் ‘துணிவு’.
இப்படத்தின் தலைப்பு மற்றும் பர்ஸ்ட் லுக் போஸ்டர் கடந்த வாரம் தான் வெளியாகி ரசிகர்களிடையே பெரும் வரவேற்பை பெற்றுள்ளது. இப்போது புதிய அப்டேட் என்னவென்றால், படத்தின் டிஜிட்டல் உரிமையை சர்வதேச OTT தளம் வாங்கியுள்ளது. திரையரங்குகளில் வெளியிடுவதற்கு முன்பே படத்தின் டிஜிட்டல் திரையிடல் மற்றும் பிரீமியரை வாங்க OTT இயங்குதளம் முடிவு செய்துள்ளதாக கூறப்படுகிறது. படத்தின் சாட்டிலைட்டையும் முன்னணி தமிழ் சேனல் வாங்கியதாக கூறப்படுகிறது.
இந்த படத்தில் நடிகர் அஜித்துக்கு ஜோடியாக நடிகை மஞ்சு வாரியார் நடித்து வருகிறார் மேலும் துணிவு திரைப்படம் உண்மையாக நடந்த வங்கி கொள்ளை சம்பவத்தை மையமாக வைத்த உருவாகி உள்ளதாக தகவல் வெளியாகி உள்ளது மேலும் இந்த படம் பொங்கல் அன்று வெளியாக இருப்பதாகவும் செய்தி கூறப்படுகிறது. மேலும் இது குறித்து அதிகாரப்பூர்வமான தகவல் வெளிவரவில்லை.
தற்பொழுது துணிவு படத்தில் விஜய் டிவி பிரபலங்கள் நடிக்க இருப்பதாக தகவல் வெளியாகியுள்ளது. அதாவது பிக்பாஸ் சீசன் 5 மூலம் ரசிகர்கள் மத்தியில் பிரபலமடைந்து பிறகு பி.பி ஜோடிகள் நிகழ்ச்சியில் பங்கு பெற்று டைட்டில் வின்னராக வெற்றி பெற்றவர்கள் தான் அமீர் மற்றும் பாவனி.
இவர்கள் இருவருக்கும் விரைவில் திருமணம் நடக்க இருக்கும் நிலையில் தற்பொழுது அமீர், பாவனி மற்றும் சிபி மூவருக்கும் துணிவு படத்தில் நடிப்பதற்கான வாய்ப்பு கிடைத்துள்ளதாம் எனவே துணிவு படத்தின் படப்பிடிப்பில் கலந்து கொள்வதற்காக இவர்கள் மூவரும் விமானத்தில் சென்று உள்ளார்கள் அப்பொழுது எடுத்துக் கொண்ட புகைப்படத்தை பாவனி தன்னுடைய இன்ஸ்டாகிராம் பக்கத்தில் பகிர்ந்துள்ளார்.
சிபி பிக்பாஸ் நிகழ்ச்சியின் டைட்டில் வின்னர் என்பது குறிப்பிடத்தக்கது மேலும் அமீர் பாவனி இருவர்களுக்கும் தனி ஒரு ரசிகர் பட்டாளம் இருந்து வருகிறது மேலும் அமீர் பாவனியை தொடர்ந்து துரத்தி துரத்தி காதலித்து வந்த நிலையில் தற்பொழுது பாவனி அமிரின் காதலுக்கு பச்சை கொடி காட்டியுள்ளார் மேலும் இருவருக்கும் விரைவில் திருமணம் நடக்க இருக்கிறது.
பர்ஸ்ட் லுக் மற்றும் டைட்டில் போஸ்டர் கடந்த வியாழன் அன்று வெளியிடப்பட்டது, அதில் அஜித் சால்ட் அண்ட் பெப்பர் லுக்கில் லவுஞ்ச் நாற்காலியில் ஓய்வெடுக்கும் அஜித் கையில் துப்பாக்கியுடன் இருப்பது போன்ற காட்சி இடம்பெற்றுள்ளது. அதன் பின்னணியில் இருந்த போஸ்டரில் பழைய இந்திய ரூபாய் நோட்டும் இருந்தது. சுவரொட்டியில் தைரியம் இல்லை, பெருமை இல்லை என்ற வாசகமும் இருந்தது.
இப்படம் வங்கி திருட்டு என கூறப்பட்டு வரும் இந்த படத்தில் அஜித் நெகட்டிவ் ரோலில் நடிக்கவுள்ளதாக கூறப்படுகிறது. இப்படத்தில் நடிகை மஞ்சு வாரியர் கதாநாயகியாக நடிக்கிறார். சமுத்திரக்கனி, ஜான் கொக்கன் மற்றும் அஜய் ஆகியோரும் படத்தின் ஒரு பகுதியாக உள்ளனர். இப்படத்திற்கு ஜிப்ரான் இசையமைத்துள்ளார்.