மலையாள நடிகர் கொல்லம் சுதி (39) திங்கள்கிழமை அதிகாலை சாலை விபத்தில் உயிரிழந்ததாக கூறப்படுகிறது. அவருடன் பயணித்த மேலும் மூன்று பேர் – மிமிக்ரி கலைஞர்கள் பினு அடிமாலு, உல்லாஸ் மற்றும் மகேஷ் ஆகியோர் காயமடைந்ததாக Onmanorama தெரிவித்துள்ளது. இந்த விபத்து கேரளாவின் கைபமங்கலத்தில் திங்கள்கிழமை அதிகாலை 4.30 மணியளவில் நடந்ததாக கூறப்படுகிறது.
அவர்கள் அனைவரும் வட்டகரையில் நிகழ்ச்சி ஒன்றில் கலந்து கொண்டு திரும்பி வந்து கொண்டிருந்த போது விபத்து நேர்ந்ததாக தெரிகிறது. இந்த விபத்தில் சுதிக்கு தலையில் பலத்த காயம் ஏற்பட்டது. அவரை கொடுங்கலூரில் உள்ள மருத்துவமனைக்கு கொண்டு சென்றபோதும் சிகிச்சை பலனின்றி உயிரிழந்ததாக அந்த செய்தியில் தெரிவிக்கப்பட்டுள்ளது. மற்ற மூவரும் கொடுங்கலூரில் உள்ள தனியார் மருத்துவமனையில் சிகிச்சை பெற்று வருகின்றனர்.
சுதியின் மறைவுக்கு கேரள முதல்வர் பினராயி விஜயன் இரங்கல் தெரிவித்துள்ளார்.