எச்.வினோத் இயக்கத்தில் அஜித் நடித்து வரும் ‘துணிவு’ திரைப்படம் 2023 பொங்கலுக்கு திரைக்கு வர திட்டமிட்டுள்ள நிலையில், படக்குழுவினர் பெரிதும் எதிர்பார்க்கப்பட்ட படத்தின் படப்பிடிப்பில் மும்முரமாக ஈடுபட்டுள்ளனர். சமீபத்திய விஷயம் என்னவென்றால், படக்குழு இன்று ஒரு பாடல் காட்சிக்கான படப்பிடிப்பைத் தொடங்கியுள்ளது. படத்தின் அறிமுகப் பாடலான ‘சில்லா சில்லா’ படத்தின் படப்பிடிப்பு இன்று முதல் கோகுலம் ஸ்டுடியோவில் நடைபெற்று வருகிறது.
சில்லா சில்லா என்ற பாடலை வைசாக் எழுதி, ஜிப்ரான் இசையில் அனிருத் பாடியுள்ளார். அதிவேக நடனம் என்று கூறப்படும் இந்த பாடலில் அஜித்துடன் பாடலாசிரியர் வைசாவும் இடம்பெறுவார் என தகவல்கள் தெரிவிக்கின்றன.
இந்நிலையில், படங்களை திரையரங்குகளில் பார்க்க முன்பதிவு செய்யப்படும் செயலியான ‘புக் மை ஷோ’வில் துணிவு இதுவரை 3 லட்சம் விருப்பங்களைப் பெற்று சாதனை புரிந்துள்ளது.
படத்தின் வெளியீட்டிற்கு இன்னும் 2 மாதங்கள் இருக்கும் நிலையில் மேலும் இந்த எண்ணிக்கை அதிகரிக்கும் என்பதால் துணிவு தன் சாதனையை துவங்கிவிட்டது.
போனி கபூர் தயாரித்துள்ள இப்படத்தில் நடிகை மஞ்சு வாரியர் கதாநாயகியாக நடிக்க, ஜிப்ரான் இசையமைக்கிறார். இப்படத்தில் வீரா, அஜய், ஜான் கொக்கன், சமுத்திரக்கனி மற்றும் மகாநதி சங்கர் ஆகியோர் முக்கிய வேடங்களில் நடித்துள்ளனர். இயக்குனர் எச் வினோத் மற்றும் தயாரிப்பாளர் போனி கபூருடன் அஜித் தொடர்ந்து மூன்றாவது படம் இதுவாகும்.