அலி ஃபசல் மற்றும் பங்கஜ் திரிபாதி தலைமையிலான மிர்சாபூர் வலைத் தொடரில் உஸ்மான் வேடத்தில் நடித்ததற்காக அறியப்பட்ட நடிகர் ஜிதேந்திர சாஸ்திரி காலமானார்.
இந்த செய்தியை நடிகர் சஞ்சய் மிஸ்ரா தனது சமூக வலைதளங்களில் பகிர்ந்து கொண்டார். அவர் தனது நண்பரின் நினைவாக ஜிதேந்திராவின் பழைய வீடியோவை பதிவேற்றினார்.
பாலிவுட் திரையுலகில் முண்ணனி நடிகராக திகழ்ந்தவர் ஜிதேந்திர சாஸ்திரி.இவருக்கு வயது 65. இவர் ஹிந்தியில் வெளியான ராஜ்மா சாவ்லா, இந்தியாஸ் மோஸ்ட் வான்டட், பிளாக் பிரைடே உட்பட பல திரைப்படங்களிலும், தொலைக்காட்சி சீரியல்களிலும் நடித்துள்ளார்.
இவர் நடித்த மிர்சாபூர் என்ற தொடர் ஓடிடியில் வெளியாகி ரசிகர்களிடையே பெரும் வரவேற்பை பெற்றது. அதில் இவரது நடிப்பால் எண்ணற்ற ரசிகர்களை கவர்ந்தார். இவர் ஏராளமான விருதுகளையும் வாங்கியுள்ளார். வயது மூப்பு காரணமாக சமீப காலமாகவே உடல் நல குறைவால் அவதிப்பட்டு வந்தார். மருத்துவமனையில் சிகிச்சை பெற்றுவந்த அவர் சிகிச்சை பலனின்றி உயிரிழந்தார்.
மேலும் இவருடைய மறைவு பாலிவுட் திரையுலகை அதிர்ச்சியில் ஆழ்த்தியுள்ளது. இவரது மறைவிற்கு முண்ணனி நட்சத்திரங்கள், பாலிவுட் பிரபலங்கள், ரசிகர்கள் பலரும் தங்களது இரங்கல் செய்தியை பதிவு செய்து வருகின்றனர்.
சஞ்சய் இந்த வீடியோவை ஹிந்தியில் தலைப்பிட்டு, “ஜிது பாய் நீங்கள் இங்கே இருந்திருந்தால், ‘மிஸ்ரா சில சமயங்களில் மொபைலின் தொடர்பு பட்டியலில் ஒரு பெயர் தங்கி, அந்த நபர் நெட்வொர்க்கிற்கு வெளியே சென்றுவிடுவது போல’ என்று சொல்லியிருப்பீர்கள். . நீங்கள் உலகில் இல்லை, ஆனால் எப்போதும் என் மனம் மற்றும் இதயத்தின் வலையமைப்பில் இருப்பீர்கள் ஓம் சாந்தி.”