கார்த்தியின் ‘விருமன்’ திரைப்படம் ஆகஸ்ட் 12ஆம் தேதி வெளியாக உள்ளது, மேலும் சீயான் விக்ரமின் ‘கோப்ரா’ திரைப்படம் ஒத்திவைக்கப்பட்டதால் படத்தின் வெளியீட்டை தயாரிப்பாளர்கள் முன்னெடுத்துள்ளனர். ‘விருமன்’ படத்திற்கு யுவன் ஷங்கர் ராஜா இசையமைக்கிறார், மேலும் படத்தின் டிரைலருக்கு அவரது இசை பாராட்டுகளைப் பெற்றது.
இயக்குனர் முத்தையா இயக்கத்தில் கார்த்தி நடிப்பில் உருவான படம் விருமன். இயக்குனர் சங்கர் மகளான அதிதி சங்கர் நடிப்பின் மேல் ஆர்வத்தில் விருமன் படத்தில் நடிகையாக அறிமுகமாகினார்.
மருத்துவ துறையில் இருந்து வந்து இப்படத்தில் கிராமத்து கதாநாயகியாக நடித்துள்ளார். நடிப்பதோடு மட்டுமல்லாமல் யுவன் இசையில் ஒரு பாடலை அவருடன் சேர்ந்து பாடியும் இருக்கிறார் அதிதி சங்கர்.
மதுரை வீரன் என்று ஆரம்பிக்கும் இப்பாடலை சமீபத்தில் நடைபெற்ற மதுரை ஆடியோ லான்ச்சில் கூட அதிதி பாடி காட்டியிருக்கிறார். இந்நிலையில் இப்பாடலை முதலில் யுவன் சங்கராஜா சூப்பர் சிங்கர் புகழ் ராஜலட்சுமியை வைத்து பாட வைத்திருக்கிறார்.
பாடல் முழுமையாக முடிந்தபின் அதிதியை பாட வைத்து ராஜலட்சுமி பாடியதை யுவன் நீக்கி இருக்கிறாராம். இதனால் நம்ப வைத்து ஏமாற்றியுள்ளதாக யுவன் மீது ராஜலட்சுமி சங்கடத்தில் இருப்பதாக மூத்த பத்திரிக்கையாளர்கள் கூறியுள்ளனர்.
கார்த்தி கதாநாயகனாக நடிக்க, அறிமுக நடிகை அதிதி சங்கர் கதாநாயகியாக நடிக்கிறார். பிரகாஷ் ராஜ், சரண்யா பொன்வண்ணன், இளவரசு, சூரி, ஆர்.கே.சுரேஷ், மனோஜ் பாரதிராஜா மற்றும் மைனா நந்தினி ஆகியோர் துணை வேடங்களில் நடிக்கின்றனர், மேலும் படம் மதுரை பின்னணியில் அமைக்கப்பட்டுள்ளது.