தீவிரவாதத்தை தடுக்க மாநில அளவில் புதிய பிரிவு : தமிழ்நாடு அரசு அதிரடி

- Advertisement -

தமிழ்நாடு முதலமைச்சர் மு.க.ஸ்டாலின் உத்தரவின் அடிப்படையில், மாநில அளவில் தீவிரவாதத்தைத் தடுக்க புதிய பிரிவை அமைப்பதற்கான அரசாணை வெளியிடப்பட்டுள்ளது. இந்த புதிய பிரிவு “தீவிரவாத தடுப்பு பிரிவு” (ATS) என்று அழைக்கப்படும்.

இந்தப் பிரிவு, நுண்ணறிவு பிரிவு ஏடிஜிபிக்கு கீழ் செயல்படும். இந்தப் பிரிவில், 1 டி.ஐ.ஜி, 4 எஸ்பிக்கள், 5 ஏஎஸ்பிக்கள், 13 டிஎஸ்பிக்கள், 31 ஆய்வாளர்கள், 61 உதவி ஆய்வாளர்கள் மற்றும் காவலர்கள் என 383 பேர் பணியில் அமர்த்தப்படுவார்கள்.

இந்தப் பிரிவு, தீவிரவாத சம்பவங்களைத் தடுக்கவும், தீவிரவாத குழுக்களின் நடவடிக்கைகளைக் கண்காணிக்கவும், தீவிரவாத திட்டங்களை முறியடிக்கவும் பணியாற்றும்.

இந்தப் பிரிவு அமைக்கப்படுவதன் மூலம், தமிழ்நாட்டில் தீவிரவாதத்தைத் தடுப்பதில் அரசு மேலும் தீவிரம் காட்டும் என்று எதிர்பார்க்கப்படுகிறது.