இந்த தொகுதியில் பிரதமர் போட்டியிட்டால் அதிமுக தயவு தேவை : அதிமுக மூத்த தலைவர் கே.பி.முனுசாமி பேட்டி

இந்தியாவில் வருகின்ற 2024 நாடாளுமன்றத் தேர்தலில் பிரதமர் மோடி ராமநாதபுரம் தொகுதியில் போட்டியிடலாம் எனக் கூறப்படும் நிலையில், இதுகுறித்து அதிமுக மூத்த தலைவர் கே.பி.முனுசாமி அவர்கள் செய்தியாளர்களைச் சந்திப்பில், “ராமநாதபுரம் மக்களவைத் தொகுதி மிகவும் முக்கியத்துவம் வாய்ந்தது” என்றார்.

மேலும், அவர் ” பிரதமர் மட்டுமில்லாமல் பல்வேறு தலைவர்கள் இந்த தொகுதியைக் குறிவைத்துள்ளனர். ஆகவே, இந்த தொகுதியில் பிரதமர் உட்பட எந்த தலைவர்கள் போட்டியிட்டாலும்,அதில் அதிமுக தயவை ஏற்கும் கட்சிதான் இங்கு வெற்றி பெறும்” என அதிரடியாக அதிமுக மூத்த தலைவர் கே.பி.முனுசாமி பேசினார்