மூத்த தமிழ் நடிகர் சரத்பாபு (71) இன்று (மே 22) பிற்பகல் உடல்நலக்குறைவால் காலமானார். இவர் ஐதராபாத் ஏஜிஜி மருத்துவமனையில் கடந்த சில நாட்களாகவே உடலில் ஏற்பட்ட பிரச்சனைக்காகச் சிகிச்சை பெற்று வந்த நிலையில், சற்று முன் அவரது உயிர் பிரிந்தது. இவரது மறைவுக்கு திரை பிரபலங்கள் பலரும் இரங்கல் தெரிவித்து வருகின்றனர்.
இவர் தமிழ்த் திரைப்படங்களில் நாயகன், வில்லன் போன்ற பல கதாபாத்திரங்களில் நடித்து தமிழ் ரசிகர்கள் மத்தியில் மிகவும் பிரபலமானவர். அதிலும் குறிப்பாக சூப்பர்ஸ்டார் ரஜினியுடன் முத்து படத்தில் நடித்ததின் மூலம் பிரபலமான இவர் நடிகர் ரஜினியின் நெருங்கிய நண்பர் ஆவார் என்பது குறிப்பிடத்தக்கது. தற்போது இவரை மறைவு ரசிகர்களிடையே பெரும் சோகத்தை ஏற்படுத்தி வருகிறது.
- Advertisement -