கர்நாடக பதவியேற்பு விழாவில் பங்கேற்க ராகுல் காந்தி, பிரியங்கா காந்தி வருகை

கர்நாடக சட்டப்பேரவை தேர்தலில் வெற்றி பெற்ற காங்கிரஸ் கட்சி இன்று (மே 20) பகல் 12 மணியளவில் பெங்களூரில் முதல்வராக சித்தராமையா, துணை முதல்வராக டி.கே.சிவகுமார் மற்றும் பல அமைச்சர்கள் பதவியேற்க உள்ளனர். இதில் தமிழக முதல்வர் ஸ்டாலின் உட்படப் பல காங்கிரஸ் கட்சியைச் சேர்ந்த மாநில முதல்வர்கள் மற்றும் அரசியல் பிரபலங்கள் கலந்து கொள்கின்றனர்.

இந்நிலையில், கர்நாடக முதலமைச்சராக சித்தராமையா பதவியேற்கும் இவ்விழாவில் பங்கேற்க ராகுல் காந்தி, பிரியங்கா காந்தி ஆகியோர் சற்றுமுன் பெங்களூர் வந்துள்ளனர். இவர்களைத் துணை முதலமைச்சராகப் பொறுப்பேற்க உள்ள டி.கே.சிவகுமார் பூங்கொத்து கொடுத்து வரவேற்றுள்ளார்.