- Advertisement -
ஐபிஎல் தொடரின் 65வது லீக் போட்டி நேற்று (மே 18) இரவு 7.30 மணிக்கு ஹைதராபாத்தில் உள்ள ராஜீவ்காந்தி மைதானத்தில் பெங்களூர் – ஹைதராபாத் அணிகள் மோதின. இதில் டாஸ் வென்ற பெங்களூர் அணி பந்துவீச்சைத் தேர்வு செய்தது. இதனால் முதலில் பேட்டிங் செய்த ஹைதராபாத் அணி 20 ஓவர்கள் முடிவில் 5 விக்கெட்டுகள் இழப்பிற்கு 186 ரன்களை எடுத்தது. இந்த அணி அதிகபட்சமாக, ஹெய்ன்ரிச் கிளாசென் 104 ரன்களையும், ஹாரி ப்ரூக் 27 ரன்களையும் எடுத்துள்ளனர்.
இதையடுத்து 187 ரன் எடுத்தால் வெற்றி என்ற இலக்குடன் களமிறங்கிய பெங்களூர் அணி, 19.2 ஓவர்களில் 2 விக்கெட்டுகள் இழப்பிற்கு 187 ரன்களை எளிதாக எட்டியது.இதனால் 8 விக்கெட்டுகள் வித்தியாசத்தில் பெங்களூரு அணி அபார வெற்றி பெற்றது. இந்த அணி தரப்பில் விராட் கோலி 100 ரன்களையும், டூ பிளஸில் 71 ரன்களையும் எடுத்துள்ளனர்.
இந்நிலையில், பெங்களூர் அணி இதுவரை விளையாடிய 13 போட்டிகளில் 7 வெற்றி பெற்றதின் தற்போது 14 புள்ளிகளுடன் பட்டியலில் நான்காவது இடத்திற்கு முன்னேறியது.
- Advertisement -