அதிரடியாக குறைந்தது தங்க விலை – எவ்வளவு தெரியுமா ?

தங்கம் விலை கடந்த மார்ச் மாதம் முதல் அதிகரித்து வருகிறது. ஒரு நாள் விலை அதிரடியாக உயர்ந்தால், மறுநாள் பெயரளவுக்குக் குறைவதும், அதன் பிறகு மீண்டும் தங்கம் விலை அதிரடியாக உயர்வதுமாகவே உள்ளது. மேலும் , இந்த தங்க விலை சவரனுக்கு ரூ.360 உயர்ந்து 1 சவரன் ரூ.46,000 ஆகவும் சில நாட்களுக்கு முன் விற்பனையானது. அதுவே தங்கம் விலை வரலாற்றில் அதிகபட்ச விலை என்ற சாதனையும் படைத்தது.

இதன் பின்னர் தங்க விலையில் ஏற்றமும், இறக்கமும் தொடர்ந்து கொண்டே இருக்கிறது. இந்நிலையில், இன்று (மே 19) ஆபரணத் தங்கத்தின் விலை சவரனுக்கு ரூ.200 குறைந்துள்ளதால், ஒரு கிராம் ரூ.5,625க்கும், சவரன் ரூ.45,000க்கும் விற்பனை செய்யப்பட்டு வருகிறது. அதைப்போல், வெள்ளி விலையும் கிராமுக்கு 10 காசுகள் குறைந்து, ஒரு கிராம் வெள்ளி விலை ரூ.78க்கும் விற்பனை செய்யப்படுகின்றது.