தமிழ் திரையுலகில் லேடி சூப்பர் ஸ்டாராக வலம் வரும் நயன்தாரா அவர்கள், கடந்த 2018ஆம் ஆண்டில் இயக்குனர் நெல்சன் திலீப்குமார் இயக்கத்தில் முக்கிய கதாபாத்திரத்தில் நடித்த நயன்தாரா மற்றும் காமெடி நடிகர் யோகி பாபு நடித்து வெளிவந்த படம் தான் கோலமாவு கோகிலா. இப்படத்திற்கு அனிருத் அவர்கள் இசையமைத்த பாடல்கள் அனைத்தும் ஹிட் அடித்தது. மேலும், இந்த படம் வெளிவந்து ரசிகர்களிடையே பெரும் வரவேற்ப்பு பெற்றது.
இந்நிலையில், தற்போது நடிகை நயன்தாரா மற்றும் நடிகர் யோகி பாபு மீண்டும் ஒரு படத்தில் இணையுள்ளதாக தகவல்கள் வெளியாகியுள்ளன. அதன்படி, அறிமுக இயக்குனர் விக்கி இயக்கப்போகும் இப்படத்தில் முக்கிய கதாபாத்திரத்தில் நயன்தாராவும், யோகி பாபுவும் நடிக்கவுள்ளனர். மேலும், இப்படத்தை பிரின்ஸ் பிக்சர்ஸ் நிறுவனம் தயாரிக்கயுள்ளனர். இதற்கான படப்பிடிப்பு அடுத்த மாதம் தொடங்கவுள்ளது என்றும், இதுகுறித்து அறிவிப்பு விரைவில் வெளிவரும் என எதிர்பார்க்கப்படுகிறது