தமிழக ஆளுநர் ஆர்.என்.ரவி, பாஜக மாநிலத் தலைவர் கே.அண்ணாமலை ஆகியோர் இன்று டெல்லி செல்கின்றனர்.
ஆளுநர் ஆர்.என்.ரவி இன்று காலை 10 மணிக்கு ஏர் இந்தியா விமானம் மூலம் டெல்லி செல்கிறார். ஆன்லைன் ரம்மியை தடை செய்வதற்கான மற்றொரு மசோதா இன்று சட்டசபையில் தாக்கல் செய்யப்பட உள்ளது.
கவர்னரால் திருப்பி அனுப்பப்பட்ட ஆன்லைன் ரம்மி விளையாட்டு தடை மசோதாவை மீண்டும் நிறைவேற்ற முடிவு செய்யப்பட்டது என்பது குறிப்பிடத்தக்கது.
இதற்கிடையில், தினத்தந்தி செய்தியின்படி, தமிழக பாஜக தலைவர் கே.அண்ணாமலை காலை 11 மணிக்கு சென்னையில் இருந்து புதுடெல்லி செல்கிறார்.
பிரதமர் நரேந்திர மோடி, பாஜக தேசிய தலைவர் ஜேபி நட்டா, மத்திய உள்துறை அமைச்சர் அமித் ஷா உள்ளிட்டோரை சந்திக்க அண்ணாமலை தலைநகர் செல்லவுள்ளதாக தகவல்கள் வெளியாகியுள்ளன. மார்ச் 26-ம் தேதி சந்திப்பதாக இருந்த நிலையில், இன்று முன்னதாக அவர்களை சந்திக்க உள்ளார்.
ஆளுநரும், பாஜக தலைவரும் ஒரே நாளில் டெல்லி சென்றிருப்பது தமிழகத்தில் பரபரப்பை ஏற்படுத்தியுள்ளது.