குடியரசு தினத்தை முன்னிட்டு தமிழக அரசு 5 பேருக்கு வீர தீர செயல் புரிந்தவர்களுக்கு அண்ணா பதக்கங்களை அறிவித்துள்ளது. அவர்களில் சென்னை தலைமைக் காவலர் சரவணன், வேலூர் செவிலியர் ஜெயக்குமார் பொன்னரசு, தூத்துக்குடியைச் சேர்ந்த அந்தோணிசாமி, கன்னியாகுமரியைச் சேர்ந்த ஸ்ரீ கிருஷ்ணன், தஞ்சை செல்வம் ஆகியோர் அடங்குவர்.
மூன்று காவல் நிலையங்களுக்கு முதல்வர் விருது வழங்கப்பட்டது. இதில் திருப்பூர் வடக்கு காவல் நிலையத்துக்கு முதல் பரிசும், திருச்சி கோட்டை காவல் நிலையத்துக்கு இரண்டாம் பரிசும், திண்டுக்கல் வட்ட காவல் நிலையத்துக்கு மூன்றாம் பரிசும் அறிவிக்கப்பட்டன.
மேலும், மாநில அரசு காந்திஜி காவல் பதக்கங்களை அறிவித்தது. சென்னை நுண்ணறிவு பிரிவு போலீஸ் இன்ஸ்பெக்டர் பிரியதர்ஷினி, தஞ்சாவூர் மதுவிலக்கு இன்ஸ்பெக்டர் ஜெயமோகன், சேலம், விழுப்புரம் நுண்ணறிவு பிரிவு உதவி ஆய்வாளர்கள் சகாதேவா, இனயத் பாஷா, செங்கல்பட்டு சிறப்பு அதிரடி புலனாய்வு பிரிவு தலைமை காவலர் சிவநேசன் ஆகியோர் பரிசு பெற்றவர்களாக அறிவிக்கப்பட்டுள்ளனர்.
