எச்.வினோத் இயக்கத்தில் அஜீத் நடிக்கும் ‘துணிவு’ படம் 2023 பொங்கலுக்கு திரைக்கு வர திட்டமிட்டுள்ள நிலையில், படக்குழுவினர் பெரிதும் எதிர்பார்க்கப்பட்ட படத்தின் படப்பிடிப்பில் மும்முரமாக ஈடுபட்டுள்ளனர். சமீபத்திய விஷயம் என்னவென்றால், படக்குழு இன்று ஒரு பாடல் காட்சிக்கான படப்பிடிப்பைத் தொடங்கியுள்ளது. படத்தின் அறிமுகப் பாடலான ‘சில்லா சில்லா’ படத்தின் படப்பிடிப்பு இன்று முதல் கோகுலம் ஸ்டுடியோவில் நடைபெற்று வருகிறது.
சில்லா சில்லா என்ற பாடலை வைசாக் எழுதி, ஜிப்ரான் இசையில் அனிருத் பாடியுள்ளார். அதிவேக நடனம் என்று கூறப்படும் இந்த பாடலில் அஜித்துடன் பாடலாசிரியர் வைசாவும் இடம்பெறுவார் என தகவல்கள் தெரிவிக்கின்றன.
இப்படத்தை தொடர்ந்து இயக்குனர் விக்னேஷ் சிவன் இயக்கும் AK 62 என தற்காலிகமாக பெயரிடப்பட்டுள்ள படத்தில் நடிக்க உள்ளார். இப்படத்தின் படப்பிடிப்பு முடிவடைந்த உடன் 6 முதல் 9 மாதங்கள் பிரேக் எடுக்க உள்ளார். அந்த சமயத்தில் தனது பைக்கிங் சுற்று பயணத்தை உலக நாடுகளில் மேற்கொள்ள உள்ளார் எனக் கூறப்படுகிறது. அதனை தொடர்ந்து சன் பிக்சர்ஸ் பேனரின் கீழ் சிறுத்தை சிவா இயக்கும் படத்தில் நடிக்க உள்ளார்.
#Thunivu – #AK62 Director Vignesh shivan visited #ChillaChilla sets today..🔥 Song Shoot will be over by tomorrow..⭐#Ajithkumar | #HVinoth | #Ghibran
— Laxmi Kanth (@iammoviebuff007) November 24, 2022
தொடங்கியது சில்லா சில்லா ஷூட்டிங்துணிவு படத்திற்காக சென்னையில் கோகுலம் ஸ்டுடியோஸில் பிரமாண்டமான செட் ஒன்று அமைக்கப்பட்டுள்ளது. இந்த செட்டில் சில்லா சில்லா பாடல் படப்பிடிப்பு நடைபெற்றது எனக் கூறப்படுகிறது. அஜித் குமார் இடம்பெறும் இந்த பாடலின் படப்பிடிப்பு நேற்று தொடங்கியுள்ளது. இன்றைக்குள் பாடலின் படப்பிடிப்பை முடிக்க படக்குழுவினர் திட்டமிட்டுள்ளதாக சினிமா வட்டாரங்கள் தெரிவிக்கின்றன. மேலும் இயக்குனர் விக்னேஷ் சிவன் சில்லா சில்லா பாடல் செட்டிற்கு சென்று பார்வையிட்டதாக கூறப்படுகிறது. அஜித் குமார் துணிவு படத்தின் டப்பிங் பணிகளை முழுவதுமாக முடித்த நிலையில் படத்தின் போஸ்ட் புரொடக்ஷன் பணிகள் மிகவும் தீவிரமாக நடைபெற்று வருகின்றன.
போனி கபூர் தயாரித்துள்ள இப்படத்தில் நடிகை மஞ்சு வாரியர் கதாநாயகியாக நடிக்க, ஜிப்ரான் இசையமைக்கிறார். இப்படத்தில் வீரா, அஜய், ஜான் கொக்கன், சமுத்திரக்கனி மற்றும் மகாநதி சங்கர் ஆகியோர் முக்கிய வேடங்களில் நடித்துள்ளனர். இயக்குனர் எச் வினோத் மற்றும் தயாரிப்பாளர் போனி கபூருடன் அஜித் தொடர்ந்து மூன்றாவது படம் இதுவாகும்.