எச்.வினோத் இயக்கத்தில் அஜீத் நடிக்கும் ‘துணிவு’ படம் 2023 பொங்கலுக்கு திரைக்கு வர திட்டமிட்டுள்ள நிலையில், படக்குழுவினர் பெரிதும் எதிர்பார்க்கப்பட்ட படத்தின் படப்பிடிப்பில் மும்முரமாக ஈடுபட்டுள்ளனர். சமீபத்திய விஷயம் என்னவென்றால், படக்குழு இன்று ஒரு பாடல் காட்சிக்கான படப்பிடிப்பைத் தொடங்கியுள்ளது. படத்தின் அறிமுகப் பாடலான ‘சில்லா சில்லா’ படத்தின் படப்பிடிப்பு இன்று முதல் கோகுலம் ஸ்டுடியோவில் நடைபெற்று வருகிறது.
சில்லா சில்லா என்ற பாடலை வைசாக் எழுதி, ஜிப்ரான் இசையில் அனிருத் பாடியுள்ளார். அதிவேக நடனம் என்று கூறப்படும் இந்த பாடலில் அஜித்துடன் பாடலாசிரியர் வைசாவும் இடம்பெறுவார் என தகவல்கள் தெரிவிக்கின்றன.
இந்நிலையில் இந்த நிலையில் ‘துணிவு’ திரைப்படத்தில் மொத்தம் மூன்று பாடல்கள் இடம் பெற்றிருப்பதாக படக்குழுவினர்களிடம் இருந்து தகவல் கசிந்துள்ளது. முதல் பாடல் ’சில்லா சில்லா’ என்ற பாடலை அனிருத் பாடியுள்ளார் என்றும் செம குத்து பாடலான இந்த பாடலை வைசாக் இயற்றி உள்ளார் என்பது குறிப்பிடத்தக்கது.
அடுத்து பாடலான ’காசேதான் கடவுளடா’ என்ற பாடலை ஹிப்ஹாப் தமிழா பாடியுள்ளார் என்று கூறப்படுகிறது. மூன்றாவது பாடல் புரமோஷன் பாடல் என்பதும் ’கேங்க்ஸ்டர்’ என்று தொடங்கும் இந்த பாடல் படம் ரிலீசுக்கு முன்பே வெளியாகும் என்றும் எதிர்பார்க்கப்படுகிறது.
முன்றாவது பாடலான ’கேங்க்ஸ்டர்’ படத்தின் ப்ரோமோவாகவும் படத்தின் தீம் மியூசிக் ஆகா வரும் எனவும் கூறப்படுகிறது .
போனி கபூர் தயாரித்துள்ள இப்படத்தில் நடிகை மஞ்சு வாரியர் கதாநாயகியாக நடிக்க, ஜிப்ரான் இசையமைக்கிறார். இப்படத்தில் வீரா, அஜய், ஜான் கொக்கன், சமுத்திரக்கனி மற்றும் மகாநதி சங்கர் ஆகியோர் முக்கிய வேடங்களில் நடித்துள்ளனர். இயக்குனர் எச் வினோத் மற்றும் தயாரிப்பாளர் போனி கபூருடன் அஜித் தொடர்ந்து மூன்றாவது படம் இதுவாகும்.