ஈரோட்டில் 4 பேர் கைது செய்யப்பட்டு அவர்களிடமிருந்து இரண்டு ஜோடி தந்தங்கள் செவ்வாய்க்கிழமை பறிமுதல் செய்யப்பட்டன.
அந்தியூர் அருகே பர்கூர் மலைப்பகுதியில் ரோந்து பணியில் ஈடுபட்டிருந்த போலீசார் சந்தேகத்திற்கிடமான முறையில் துப்பாக்கி பையுடன் ஒருவரை பார்த்துள்ளனர்.
அவரை காவலில் எடுத்து சோதனை செய்ததில் பையில் தந்தங்கள் இருப்பது தெரியவந்தது.
இரண்டு அடி நீளம் கொண்ட இரண்டு ஜோடி தந்தங்கள் இருந்தன. அவரிடம் நடத்திய விசாரணையில் கவுந்தப்பாடி அருகே உள்ள குண்டுசெட்டிபாளையத்தை சேர்ந்த சந்திரசேகர் (45) என்பது தெரிந்தது. அவர் மேலும் 3 பேருடன் சேர்ந்து யானை தந்தங்களை விற்க திட்டமிட்டது தெரியவந்தது.
அப்போது கல்வரை கிராமத்தைச் சேர்ந்த ராசு (40), செல்லப்பன் (35), பர்கூர் மலையைச் சேர்ந்த மகேந்திரன் (30) ஆகியோரை போலீஸார் கைது செய்தனர்.
அவர்களை வனத்துறையினரிடம் ஒப்படைத்த போலீசார், அவர்களுக்கு அந்த தந்தங்கள் எப்படி கிடைத்தது, தந்தங்களுக்காக யானைகளை வேட்டையாடினார்களா என்பது குறித்து விசாரணை நடத்தி வந்தனர். மேலதிக விசாரணைகள் தொடர்கின்றன.