தமிழ் சினிமாவின் பழம்பெரும் இயக்குனர் பாரதிராஜா கடந்த சில நாட்களுக்கு முன்பு உடல் நலக்குறைவு காரணமாக மருத்துவமனையில் அனுமதிக்கப்பட்டார் என்பது நாம் அனைவரும் அறிந்ததே. அவர் விரைவில் குணமடைய திரையுலக பிரபலங்கள் பலரும் வாழ்த்து தெரிவித்தனர். தற்போது அவர் வேறு மருத்துவமனைக்கு மாற்றப்பட்டுள்ளதாக தகவல் வெளியாகி பெரும் பரபரப்பை ஏற்படுத்தியுள்ளது.
தமிழ் சினிமா வரலாற்றில் ரசிகர்களால் ‘இயக்குனர் இமயம்’ என்று அன்புடன் அழைக்கப்படும் திரைப்படத் தயாரிப்பாளர்களில் பாரதிராஜாவும் ஒருவர். இவர் சமீபத்தில் தனியார் மருத்துவமனையில் அனுமதிக்கப்பட்டார். பாரதிராஜாவின் உடல்நிலை குறித்து செய்தியாளர்களிடம் பேசிய அவரது மகன் மனோஜ், “பாரதிராஜாவுக்கு நீர்ச்சத்து குறைவாக இருப்பதால் தொடர்ந்து சிகிச்சை அளிக்கப்பட்டு வருகிறது. அவர் விரைவில் டிஸ்சார்ஜ் செய்யப்பட்டு வீடு திரும்புவார்” என்றார்.
இப்போது லேட்டஸ்ட் என்னவெனில், இன்று பாரதிராஜாவை எம்ஜிஎம் மருத்துவமனைக்கு மாற்ற பாரதிராஜா குடும்பத்தினர் திட்டமிட்டுள்ளனர். இனிமேல் பாரதிராஜாவுக்கு மேல் சிகிச்சை அளிக்க டாக்டர் ராஜகோபால் உதவுவார் என்று கூறப்படுகிறது. இதற்கான ஏற்பாடுகளை பாரதிராஜாவின் நெருங்கிய நண்பரும் தொழிலதிபருமான ஏ.சி.சண்முகம் தற்போது செய்து வருவதாக தகவல்கள் தெரிவிக்கின்றன.
பாரதிராஜா குணமடைய திரையுலகினர் மற்றும் ரசிகர்கள் பிரார்த்தனை செய்து வருகின்றனர். அவர் விரைவில் நலமுடன் வீடு திரும்புவார் என நம்புகிறோம். கடந்த வாரம் வெளியாகி வெற்றிகரமாக ஓடிக்கொண்டிருக்கும் ‘திருச்சிற்றம்பலம்’ படத்தில் தனுஷின் தாத்தாவாக நடித்து சமீபத்தில் பாரதிராஜா பாராட்டுகளைப் பெற்றார் என்பது குறிப்பிடத்தக்கது.