விக்ரம் வேதா பட தயாரிப்பாளர்களான புஷ்கர் மற்றும் காயத்ரியை அஜித் தனது 63வது படத்தை இயக்க தேர்வு செய்துள்ளதாக கோலிவுட்டின் லேட்டஸ்ட் சலசலப்பு.
ஆர்யா நடிப்பில் வெளியான ‘ஓரம் போ’ படத்தின் மூலம் இயக்குனர்களாக அறிமுகமான புஷ்கர்- காயத்ரி கூட்டணி அதையடுத்து வா கோட்டர் கட்டிங் என்ற வித்தியாசமான கதைக்களம் கொண்ட படத்தைக் கொடுத்தனர்.
பின்னர் 7 ஆண்டுகள் கழித்து விக்ரம் வேதா என்ற பிளாக்பஸ்டர் படத்தை கொடுத்து இந்திய சினிமாவை திரும்பி பார்க்க வைத்தனர். அதையடுத்து தற்போது கிருத்திக் ரோஷன் மற்றும் சைப் அலி கான் நடிப்பில் விக்ரம் வேதா படத்தை இந்தியில் ரீமேக் செய்து வருகின்றனர்.
இந்நிலையில் சமீபத்தில் கலந்து கொண்ட நேர்காணலில் அஜித்தை இயக்குவதற்கான வேலைகள் நடந்து வருவதாக புஷ்கர் காயத்ரி கூட்டணி தெரிவித்துள்ளனர். “அஜித் குமாரிடம் புஷ்கர் காயத்ரி அடுத்த படத்திற்கான கதை கூறியிருக்கின்றனர். கூடிய விரைவில் பிளான் பண்ணி படம் இயக்கப் போகிறார்கள் என்று கேள்விப்பட்டோம்.” என்ற கேள்விக்கு
“அதெல்லாம் நடந்திருந்தா ரொம்ப நல்லா இருக்கும். அதற்கான வேலைகள் நடந்துட்டு இருக்கு” என்று தெரிவித்துள்ளனர்.
அப்போ அஜித் ரசிகர்களுக்கு மற்றுமொரு ஹிட் படம் கன்ஃபார்ம்!
#Thala #Ajithkumar sir movie "Work in Progress" – #PushkarGayathri #Ak63 #Ajithkumar #Thala #Ak pic.twitter.com/k2Ip4zCzrF
— 🔥 Ajith Kumar🔥 (@Anythingf4AJITH) August 7, 2022