அந்தாதுன் படத்தின் இயக்குனர் ஸ்ரீராம் ராகவன் இயக்கத்தில் மக்கள் செல்வன் விஜய் சேதுபதி தனது இரண்டாவது இந்தி படத்தில் பாலிவுட் நடிகை கத்ரீனா கைஃப் உடன் இணைகிறார் என்பது அனைவரும் அறிந்ததே. ‘மெர்ரி கிறிஸ்மஸ்’ என பெயரிடப்பட்டுள்ள இப்படத்தின் படப்பிடிப்பு கடந்த ஆண்டு டிசம்பரில் துவங்கிய நிலையில், அடுத்தகட்ட படப்பிடிப்பு விரைவில் தொடங்க உள்ளது. இப்போது, நடிகை கத்ரீனா கைஃப், விஜய் சேதுபதி மற்றும் இயக்குனர் ஸ்ரீராம் ராகவனுடன் தான் இருக்கும் படங்களை ஒத்திகையில் இருந்து பகிர்ந்துள்ளார்.
கிறிஸ்துமஸ் இரவில் நடக்கும் சம்பவங்களை மையமாக வைத்து இப்படம் உருவாகும் என கூறப்படுகிறது. பாடல்கள் ஏதும் இல்லாமல் தொண்ணூறு நிமிட படமாக இருக்கும் இத்திரைப்படம் முக்கியமாக மும்பை, புனே மற்றும் சுற்றியுள்ள பகுதிகளில் படமாக்கப்படும். மேட்ச்பாக்ஸ் பிக்சர்ஸ் பிரைவேட் லிமிடெட் உடன் இணைந்து ரமேஷ் தௌராணியின் டிப்ஸ் இண்டஸ்ட்ரீஸ் தயாரித்துள்ளது. லிமிடெட், படம் டிசம்பர் 23, 2022 அன்று வெளியிட திட்டமிடப்பட்டுள்ளது.