அவெஞ்சர்ஸ் இயக்குனர்களான ரஸ்ஸோ சகோதரர்கள் இயக்கும் நெட்பிளிக்ஸ் திரைப்படமான ‘தி கிரே மேன்’ படத்தில் நடித்துள்ள நான்கு முக்கிய நட்சத்திரங்களில் தனுஷும் ஒருவர் என்பதும் ‘தி கிரே மேன்’ படத்தில் தனுஷ் நடித்து வரும் கதாபாத்திரம் குறித்த விபரங்களை எழுத்தாளர் மார்க் கிரேனி ஏற்கனவே பகிர்ந்திருந்தார்.
சமீபத்தில் படத்தின் டிரைலர் வெளியாகி இருந்த நிலையில், அந்த டிரைலரில் தனுஷுக்கான காட்சிகள் அதிகமாக இல்லை. இது இந்திய ரசிகர்களுக்கு பெரிதும் ஏமாற்றமானதாக அமைந்ததையடுத்து, ப்ரமோஷன்களில் தனுஷுக்கு இப்போது முன்னுரிமை கொடுக்கப்பட்டு வருகிறது.
இந்நிலையில் இப்போது ‘தி கிரே மேன்’ படத்தில் இடம்பெற்றுள்ள தனுஷ் மற்றும் கிறிஸ் இவான்ஸ் மோதும் மிரட்டலான சண்டை காட்சியின் கிளிப்ஸ் வீடியோவை தற்போது இன்ஸ்டாகிராமில் நெட்பிளிக்ஸ் வெளியிட்டுள்ளது.