விஷால் நடிப்பில், இயக்குனர் ஆதிக் ரவிச்சந்திரன் இயக்கத்தில் ‘மார்க் ஆண்டனி’ படம் உருவாகும் நிலையில், இந்த படத்தை விஷாலின் எனிமி படத்தை தயாரித்த மினி ஸ்டுடியோஸ் வினோத்குமார் தயாரிக்க உள்ளார். இந்நிலையில் இந்த படத்தில் விஷாலுக்கு வில்லனாக நடிக்க எஸ்.ஜே. சூர்யாவை ஒப்பந்தம் செய்துள்ளனர்.
இந்த படத்துக்கு ஜி.வி. பிரகாஷ் குமார் இசையமைக்க உள்ளதாக தகவல்கள் வைரலாகி வந்த நிலையில், இயக்குனர் ‘மார்க் ஆண்டனி’ படத்துக்காக அமைக்கப்படும் செட்டில் இருந்து புகைப்படம் எடுத்து அதைப் பகிர்ந்திருந்தார். கடந்த மே மாதம் படத்தின் பூஜை நடைபெற்ற நிலையில், விஷால், மற்றும் எஸ்.ஜே சூர்யா உள்ளிட்டவர்கள் கலந்துகொண்டனர். இந்த படத்தில் விஷாலுக்கு ஜோடியாக ரிது வர்மா நடிக்க உள்ளதாக அறிவிக்கப்பட்டுள்ளது.
மே மாதத்தில் சில காட்சிகள் படமாக்கப்பட்ட நிலையில், விஷால் ‘லத்தி’ படத்தில் கவனம் செலுத்தியதால் சிறிது காலம் படப்பிடிப்பு நிறுத்தி வைக்கப்பட்டது. இந்நிலையில் இப்போது மீண்டும் இந்த மாதம் 18 ஆம் தேதி முதல் ‘மார்க் ஆண்டனி’ படப்பிடிப்பு தொடங்க உள்ளதாக கூறப்படுகிறது. இந்த படத்தில் விஷால் மார்க் ஆண்டனி என்ற கேங்ஸ்டராக நடிப்பதாக சொல்லப்படுகிறது.