பிரபல மலையாள நடிகர் பகத் பாசில் மற்றும் அவருடைய மனைவி நஸ்ரியா இணைந்து நடித்த மலையாள திரைப்படமான ‘ட்ரான்ஸ்’ என்ற திரைப்படம் மலையாளத்தில் மிகப்பெரிய வெற்றி பெற்ற நிலையில் இந்த படம் தற்போது தமிழில் ‘நிலை மறந்தவன்’ என்ற டைட்டிலில் வெளியாக இருக்கிறது.
மலையாளத்தில் சூப்பர் ஹிட் கொடுத்த இந்த திரைப்படம் தமிழிலும் நல்ல வரவேற்பை பெறும் என்று எதிர்பார்க்கப்படுகிறது. கௌதம் மேனன் வில்லனாக நடித்துள்ள இந்த படத்தில் ‘விக்ரம்’ படத்தில் நடித்த செம்பான் வினோத், ‘திமிரு’ படத்தில் நடித்த விநாயகன் உள்ளிட்டோரும் நடித்துள்ளனர் என்பது குறிப்பிடத்தக்கது.
இந்நிலையில் இந்த படம் வரும் 15ஆம் தேதி திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது. இப்படத்தை ‘உஸ்தாத் ஹோட்டல்’ என்ற படத்தை இயக்கியவரும் ‘பிரேமம்’ போன்ற பல வெற்றி படங்களை தயாரித்தவருமான இயக்குனர் அன்வர் ரஷீத் இயக்கியுள்ளார் என்பது குறிப்பிடத்தக்கது.
