Monday, December 5, 2022
Homeஆரோக்கியம்பஞ்சு போன்ற முகப்பொலிவை கூட்டும் சந்தனம்! இந்த பொருட்களுடன் சேர்த்து பயன்படுத்தி பாருங்க

பஞ்சு போன்ற முகப்பொலிவை கூட்டும் சந்தனம்! இந்த பொருட்களுடன் சேர்த்து பயன்படுத்தி பாருங்க

Date:

Related stories

ராயல் என்ஃபீல்டு நிறுவனம் சென்னையில் புதிய பயிற்சி மையத்தை அமைக்கிறது

நகரத்தை தளமாகக் கொண்ட இருசக்கர வாகன உற்பத்தியாளர், ராயல் என்ஃபீல்டு, மாணவர்கள்...

நந்தமுரி பாலகிருஷ்ணாவின் வீர சிம்ம ரெட்டி திரைப்படம் ஜனவரி 12ஆம் தேதி திரையரங்குகளில் வெளியாகிறது

நந்தமுரி பாலகிருஷ்ணா 2023-ல் அதிகம் பேசப்பட்ட படங்களில் ஒன்றான வீர சிம்ஹா...

ரஷ்யாவின் வாக்னர் குழு உக்ரைனுக்கு ‘இரத்தம் தோய்ந்த தொகுப்புகளை’ அனுப்புவதை மறுக்கிறது

ரஷ்யாவின் கூலிப்படை நிறுவனமான வாக்னர் குரூப் விலங்குகளின் கண்கள் அடங்கிய "இரத்தம்...

ஆந்திர மாநிலம் மேற்கு கோதாவரியில் ஆழ்துளை கிணறு தோண்டும்போது தங்க காசுகள் சிக்கியது

ஏடுவடலா பாலம் கிராமத்தில் உள்ள வயலில் ஆழ்துளைக் கிணறு தோண்டியபோது மண்...

சென்னையில் தங்கும் விடுதியில் மடிக்கணினி, கேஜெட்களை திருடிய நபர் கைது செய்யப்பட்டார்

தரமணி மற்றும் அதைச் சுற்றியுள்ள பகுதிகளில் தங்கும் விடுதிகளில் அத்துமீறி நுழைந்து...
spot_imgspot_img

பொதுவாக சந்தனத்தை பொதுவாக சோப்புகள் மற்றும் அழகு சாதனப் பொருட்களைத் தயாரிக்க பயன்படுத்துவார்கள். இது ஒரு இயற்கையான கிருமி நாசினியாகவும் செயல்படுகிறது மற்றும் சருமத்திற்கு முழு பாதுகாப்பு தருகிறது.

குறிப்பாக முகப்பருவை உண்டாக்கும் பாக்டீரியாக்களை எதிர்த்துப் போராட உதவுகிறது. மேலும் சருமத்தில் உள்ள அழுக்குகளை வெளியேற்றவும் இது வழி செய்கிறது.

முக்கியமாக சூரிய ஒளியின் பாதிப்பை தணித்து சருமத்தை மென்மையாக வைக்கிறது. வறண்ட மற்றும் சுருக்கங்கள் கொண்ட சருமத்தை மீளுருவாக்கம் செய்கிறது.

இதனை ஒரு சில பொருட்களுடன் சேர்த்து முகத்திற்கு போடுவது நன்மையே தரும். அந்தவகையில் தற்போது அவை என்ன என்பதை பார்ப்போம்.

சந்தனப் பொடியில் தக்காளியை அரைத்து கலந்து, வேண்டுமெனில் சிறிது முல்தானி மெட்டியையும் சேர்த்து கலந்து, முகத்திற்கு ஃபேஸ் பேக் போடலாம்.

எலுமிச்சை சாற்றுடன் சந்தனப் பொடியை சேர்த்து கலந்து, முகத்திற்கு ஃபேஸ் மாஸ்க் போட்டால், சருமத்தில் உள்ள இறந்த செல்கள் நீங்குவதோடு, பருக்கள் வராமலும் இருக்கும்.

தயிரை சந்தனப் பொடியில் சேர்த்து கலந்து, முகத்திற்கு மாஸ்க் போட்டால், சருமம் மென்மையாவதோடு, வெள்ளையாகும்.

மற்றொரு சந்தன ஃபேஸ் பேக் தான் இது. இதற்கு முட்டையை நன்கு அடித்து, தேன் மற்றும் சந்தனப் பொடியை சேர்த்து கலந்து, முகத்தில் தடவி ஊற வைத்து கழுவினால், சருமத்தில் உள்ள சுருக்கங்கள் நீங்கி, அழுக்குகள் அனைத்தும் வெளியேறி, சருமம் அழகாக இளமையுடன் காணப்படும்.

சந்தனப் பொடியை மஞ்சள் தூள், ஒரு துளி எலுமிச்சை சாறு மற்றும் பால் ஊற்றி கலந்து, சருமத்தில் தடவி ஊற வைத்து கழுவ வேண்டும். இதனால் முகமானது பொலிவோடு காணப்படும்.

சந்தனப் பொடியை முல்தானி மெட்டி பவுடருடனும் சேர்த்து ஃபேஸ் பேக் போடலாம். அதற்கு 1/2 டீஸ்பூன் முல்தானி மெட்டி மற்றும் 1/2 டீஸ்பூன் சந்தனப் பொடியை சேர்த்து, தயிர் ஊற்றி கலந்து, முகத்தில் தடவி 15 நிமிடம் ஊற வைத்து, குளிர்ந்த நீரில் கழுவ வேண்டும்.

சந்தன ஃபேஸ் பேக்கில், சந்தனப் பொடியை ரோஸ் வாட்டரில் கலந்து, சருமத்திற்கு தடவி ஊற வைத்து கழுவினால், சருமத்தில் உள்ள அழுக்குகள் மற்றும் இறந்த செல்கள் நீங்கி, சருமம் பொலிவோடு காணப்படும்.

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories