ஜோதிடத்தில் மிக முக்கிய பங்காக பார்க்கப்படுவது கிரகப் பெயர்ச்சிகள். தினமும் அனைத்து ராசிகளும் நகர்ந்து கொண்டே அதாவது சூரியனை சுற்றி வந்து கொண்டே இருக்கின்றன.

அப்படி ஒரு ராசியிலிருந்து மற்றொரு ராசிக்கு நகர்வதற்கு பெயர்ச்சி என அழைக்கப்படுகிறது.

குரு பெயர்ச்சி முக்கியாக பார்க்கப்பட காரணம் அது ஒரு ஆண்டுக்கு ஒரு முறை ஒரு ராசியிலிருந்து மற்றொரு ராசிக்கு பெயர்ச்சி ஆகக்கூடியது. மேலும் குரு தனது 2,5,7,9,11 ஆகிய பார்வை பலத்தால் மிக நல்ல பலனை அளிக்கக்கூடியவர்.

இதைத் தவிர மற்ற ராசிகளுக்கு பெரியளவில் நல்ல பலனைத் தராமல் சில கெடுதல் நடக்கலாம்.

அதே சமயம் குரு ஒரு சுப கிரகம் என்பதால், அவர் அசுப கிரகங்களின் தாக்கம் இருந்தால், அல்லது அவர்களுடைய வீட்டில் சஞ்சரிக்கும் போது பெரியளவு நல்லது செய்யாவிட்டாலும், தீங்கான பலன் அதிகம் கொடுக்க மாட்டார் என்பது நம்பிக்கை.

​அதிர்ஷ்டத்தைப் பெறப்போகும் ராசிகள்
ரிஷப ராசி
குரு 9ம் இடத்தில் அமர்ந்திருப்பது அதிர்ஷ்ட குரு (பாக்கிய) என்பார்கள். இதுவரை நிதிநிலை இருந்த பிரச்னைகள் மாறும். மன கஷ்டம் தீரும்.

பல முயற்சிகள் செய்தும் வெற்றிக்கனியை பறிப்பதிலிருந்த தடை விலகி, இனி உங்கள் முயற்சிக்கு கூடுதல் நற்பலன் வந்து சேரும். குடும்பத்தில் அமைதியும், நிம்மதியும் ஏற்படும். நிதி நிலையை சரி செய்யும் வகையில் தொழில், வியாபாரத்தில் நல்ல லாபம் உண்டாகும்.

மாங்கல்ய பாக்கியம், குழந்தை பாக்கியம் உண்டாகும். வீடு, மனை வாங்கக்கூடிய அதிர்ஷ்டங்கள் உண்டு.

​கடக ராசி
கடக ராசிக்கு 7ம் இடத்தில் குரு அமர்ந்திருப்பது அதாவது வாழ்க்கை துணை, தொழில், வியாபார கூட்டாளி ஸ்தானத்தில் இருப்பதால் உங்கள் வாழ்வில் எந்த செயலை செய்வதாக இருந்தாலும் இந்த துணை மூலம் உங்களுக்கு ஆதரவான நிலை இருக்கும்.

கூட்டு தொழில், வியாபாரம் செய்பவர்களுக்கு உங்களின் பங்குதாரர் / கூட்டாளிகள் மூலம் அனுகூலமான பலன்கள் கிடைக்கும். தொழில் போட்டிகள் குறைந்து புதிய கிளைகள் வளர்க்க உகந்த காலம்.

திருமணம் போன்ற சுப காரியங்கள் நடைபெறுவதற்கான மிக சிறப்பான காலம். குழந்தைப்பேறு மூலம் குடும்பம் பெருகும்.

அதுமட்டுமல்லாமல் அடுத்து நிகழும் சனிப் பெயர்ச்சியும் ராசிக்கு சாதகமாக அமைய உள்ளார். அதே போல் ராகு 11ம் இடத்தில் அமைந்திருப்பது பல்வேறு வகையில் யோக பலன்களை பெறப்போகிறீர்கள்.

​கன்னி
கன்னி ராசிக்கு 5ம் இடத்தில் பூர்வ புண்ணிய குருவாக வர உள்ளார். அதனால் பூர்விக சொத்து கிடைத்தல், வர வேண்டிய பணம் வந்து சேருதல், முன்பு முதலீடு செய்திருந்த விஷயங்களின் மூலம் லாபகரமான பலன்கள் பெறுதல் போன்றவற்றை எதிர்பார்க்கலாம்.

இதுவரை சாதமற்ற, தடைப்பட்ட காரியங்கள் வெற்றி அடையும். 5ம் இட குரு பாக்கிய ஸ்தானம், லாப ஸ்தானம், ஜென்ம ராசியைப் பார்ப்பதால் கன்னி ராசிக்கு அனைத்து வகையிலும் யோகமான பலன்கள் கிடைக்கும்.

​தனுசு ராசி
ஏழரை சனி, ஜென்ம ராசியில் கேஹு அமர்ந்து பல சங்கடங்களை அனுபவித்து வந்த தனுசு ராசியினருக்கு இந்த குரு மட்டுமட்டுமல்லாமல் சனி, கேது அடுத்தடுத்த ராசிக்கு பெயர்ச்சி ஆனதால் பல்வேறு வகையில் முன்னேற்ற பலனைப் பெறலாம்.

ராசியில் குரு அமர்ந்து பல கஷ்டங்களையும், சங்கடங்களையும் அனுபவித்து வந்த தனுசு ராசியினருக்கு இந்த குருவின் பெயர்ச்சி மன ஆறுதலையும், செயலில் உற்சாகமும் பிறக்கும். ராசிக்கு 2ல் குரு இருப்பது நீச்ச நிலை என்பார்கள் ஆனால் இந்த முறை தனுசு ராசியினருக்கு குருவின் அருள் யோக பலனை அள்ளித் தரும் என்பதில் சந்தேகம் இல்லை.

​மீன ராசி
மீன ராசிக்கு அனைத்து வகையிலும் ராஜ போக யோகத்தை அளிக்கக்கூடிய 11ம் இடத்தில் குரு அமைந்திருப்பதும், ராசிக்கு அதிபதியாக குரு இருப்பதும் யோகமான நிலை ஆகும். இதுவரை இருந்த உடல் நல பிரச்னைகள், குடும்பத்தில் கலக்கம் என பல்வேறு பிரச்னைகள் பறந்தோடும்.

11ல் நீச குரு பெரிய பலனை தரமாட்டார் என்பது உண்மையில்லை. இந்த குரு பெயர்வினால் ராசிக்கு லாபகரமான அமைப்பாக இருக்கும். குடும்பத்தில் இருந்த சங்கடங்கள் நீங்கி மன நிம்மதி கிடைக்கும். சுப காரியங்களான திருமணம், குழந்தை பாக்கியம் உள்ளிட்ட பாக்கியங்கள் கிடைக்கும்