தமிழ் பிக் பாஸ் சீசனில் ரசிகர்களின் பேவரைட் போட்டியாளராக திகழ்ந்தவர் தர்ஷன். இலங்கை தமிழரான இவர் தான் பிக் பாஸ் டைடில் வெல்வார் என்று எதிர்ப்பார்க்கப்பட்டது. ஆனால், இவர் இறுதிப் போட்டியில் கூட பங்கேற்க முடியாமல் போனது. இருந்தாலும், ரசிகர்கள் அதிகமாக தர்ஷனை தான் விரும்புகிறார்கள்.

பிக் பாஸ் நிகழ்ச்சியின் இறுதிப் போட்டியிலேயே கமல்ஹாசன், தர்ஷனை ஹீரோவாக வைத்து படம் தயாரிக்கப் போவதாக அறிவித்தார். மேலும், பல சினிமா வாய்ப்புகள் தர்ஷனுக்கு கிடைத்தது. ஆனால், கமல் தயாரிக்கும் படம் மூலமாக சினிமாவில் ஹீரோவாக அறிமுகமாவது தான் தர்ஷனின் விருப்பம்.

அதே சமயம், பிக் பாஸ் போட்டி முடிந்த பிறகு இலங்கை சென்ற தர்ஷன், அப்படியே மலேசியா, லண்டன் என்று வெளிநாடுகளில் சுற்றுப் பயணம் மேற்கொண்டார். அவரை தொடர்புகொள்ளவே முடியவில்லை.

இந்த நிலையில், சென்னை வந்திருக்கும் தர்ஷன், தான் ஹீரோவாக நடிக்க இருக்கும் பட வேலைகளில் ஈடுபட்டிருப்பதாக தகவல் வெளியாகியுள்ளது. மேலும், தர்ஷன் ஹீரோவாக நடிக்க இருக்கும் படத்தின் அறிவிப்பு ஜனவரி 25 ஆம் தேதி அதிகாரப்பூர்வமான அறிவிப்பு வெளியாக இருக்கிறதாம்.