’பிகில்’ படத்தை தொடர்ந்து லோகேஷ் கனகராஜ் இயக்கத்தில் தனது 64 வது படத்தில் நடித்து வரும் விஜய், தற்போது டெல்லியில் நடைபெறும் படப்பிடிப்பில் கலந்துக்கொண்டுள்ளார். இதில் விஜய் கல்லூரி மாணவராக நடிப்பதாக கூறப்படுகிறது.

இந்த நிலையில், விஜயின் 65 வது படம் பற்றிய தகவல் ஒன்று கோலிவுட்டில் வேகமாக பரவி வருகிறது. அதாவது விஜயின் 65 வது படத்தை இயக்கப் போகும் இயக்குநர் யார்? என்ற கேள்வி அனைவரிடமும் எழுந்திருக்கும் நிலையில், அந்த வாய்ப்பு இயக்குநர் மகிழ் திருமேணிக்கு கிடைத்திருப்பதாக ஒரு தகவல் பரவி வருகிறது.

‘தடையற தாக்க’, ‘மீகாமன்’, ‘தடயம்’ ஆகிய வெற்றிப் படங்களைக் கொடுத்திருக்கும் மகிழ் திருமேணி, விஜயிடம் ஒரு கதை சொல்லியதாகவும், அந்த கதை விஜய்க்கு பிடித்துவிட, அதையே அவர் தனது 65 வது படமாக பண்ண முடிவு செய்திருப்பதாகவும் கூறப்படுகிறது.